نصائح لطرد شبح الموت..«سخان الغاز» القاتل الصامت
في أقل من شهر، سجَّل المغرب على الأقل 21 حالة وفاة بسبب «سخان الغاز» علاوة على إصابات الاختناق، وذلك في سلسلة متوالية من الحوادث، كان أخطرها وفاة أسرة كاملة، بأفرادها الستة، في مدينة الخميسات، جراء استنشاق الغاز المتسرب من سخان الماء، وقبلها بأيام أودى الغاز المتسرب من السخان بحياة أربعة أفراد من عائلة في مدينة إفران.
وتتكرر حوادث الغاز بشكل شهري تقريبًا ليس فقط في المغرب، وإنما في العديد من البلدان العربية، ولاسيما في فصل الشتاء الذي يكثر فيه استخدام سخانات الماء، وعادة ما تمر مثل هذه الفواجع كحوادث قدرية لا تستدعي الاهتمام الرسمي فبالأحرى المدني، مما يحول دون البحث عن الأسباب أو تحديد المسؤوليات ناهيك عن اقتراح الحلول، لمنع تكرارها أو حتى التقليل منها.
الناس لي كيموتوا بالشوفو دالحمام بالمئات كل سنة في المغرب..
أولا ماشي تسرب الغاز د البوطة مع الما لي كيقتل.. هذا فقط خطأ مُشاع
لأن الشركات د قنينات الغاز عاملة لهاد الغاز رائحة تُميزه عن باقي الغازات وبالتالي عند اي تسرب الضحية سيشُم الغاز ويفطن.
لا شك أننا جميعا لاحظنا أن كل الوفيات د الشوفو كتكون في فصل الشتاء، رغم اننا كاملين كنخدموه في باقي الفصول، صيف وربيع وغيرها ومكيكونش وفيات ولا حوادث من هاد القبيل
علاش ؟؟
لأن بكل بساطة ماشي الشوفو لي كيقتل، لي كيقتل هو الغاز السام احادي أكسيد الكربون
كفاش ؟؟؟
المهم كلنا نعرف ان نسبة الاوكسيجين في الجو هي 21%
وكلنا نعرف ان اي إحتراق كامل ضروري له من أوكسجين باش يكون كامل
دبا نربطوا هادشي بفصل الشتاء ؟؟ علاش الحوادث كتكون غير في فصل الشتاء وعلاش الضحية ما كيحس بوالوا حتا كيموت وهو واقف ؟؟
الشوفو كتكون فيه واحد الفلام صغيرة شاعلة
ديك الفلام ضروري ما خاصها الاوكسجين باش تعمل إحتراق كامل
والانسان فاش كيكون داير الشوفو فوسط الدار وكيكون فصل الشتاء كيكون الشراجم ومنافد دخول هواء جديد للدار مسدودة لأنه كاين البرد وبالتالي نسبة 21% د الأوكسجين لي فدار كتكون ثابثة وفاش كتشعل نتا الشوفو ديك الفلام ديالو كتبدا تكونصومي من ديك 21% دالاوكسجين حتا كتقل النسبة بزاف وهنا ديك الفلام مكتطفاش ولكن كدوز تدير عملية اخرى وهي الاحتراق الغير الكامل مع غاز ثنائي اوكسيد الكاربون وهاد الاحتراق الغير الكامل هو لي كيعطينا الغاز السام احادي أوكسيد الكاربون لي ماعندو لا لون لا رائحة لكنه غاز سام ويقتل بسرعة
ولي تفادي هاد الامر ركب الشوفو فشي بالكون ولا قدام شي شرجم وفاش تبغي تدوش خلي شي شرجم محلول في دار منين يدخل شوية دالاوكسجين والحمام لي كتدوش فيه ضروري من شي فتحة د التهوية ولا شرجم وخا غير صغير..
يمكنكم النشر بكل حرية لتعم الفائدة ولإنقاذ أرواح الناس
ليست هناك تعليقات:
نحن في خدمتـــــــــكم....وأنتم في خدمتنـــــــــــا